Игитвал рикIелай алатдач

0
55
Зейнудин Батманов вичин хизандихъ галаз

И йикъара “Лезги газетдиз” акъатай Мегьамед Ибрагьимован “Къимет эциг тавунвай игитвал” макъала за дикъетдивди кIелна.

Зейнудин Батманован кьегьалвиликай кхьенвай гафари, адан кьисметди зун къарсатмишна.

Эхь, кIириви хци авунвайди игитвал я, ам лап вини дережадин шабагь гуниз лайихлу я. Чара, ерли течир­ ксар патал ада вичин чан эцигна. Амма, гьайиф хьи, адан мидадда гьатай халуяр авач.

“Хаинвал ийидалди, заз кьейитIа хъсан я…” лагьай­ адан къаматдиз за ихьтин чIалар бахшнава:

Жигъиррин юкьвай назик аялдин,

Ван акъатайла куьмекдиз фейи,

Акъат хьана вун алчахрин вилик,

Шумудан кIвалер чукIурай чпи.

 

Пуд касдин кьисмет къачуна на вал,

Кьиникьикай кичIе тахьай Зейнудин.

Шумуд жуьредин эхна вуна тIал,

Акъвазна уьтквем вилик вагьшидин.

 

МуьтIуьгъ тахьайла игит хва чпиз,

Автоматдиз худ гана хаинди.

Пак ивидин сел авахьна чилиз,

Руьгьди лув гана цавуз жегьилдин.

 

Яшлу дидедин вил ала рекьел,

Хкведа лугьуз кIвалахдилай хва.

Амма халкьарин нагъв ала вилел,

Эхи ийизва хажалат зурба.

 

Негьзава халкьди вири хаинар,

Намусдин са гъвел амачир чпихъ.

Зейнудин кьенвач — амукьда а тIвар!

Хаинриз жедач чкаяр чилик.

Вадим Жамалдинов, Герейханован хуьр

 

Добавить комментарий