Путар хкажунай акъажунар

0
15

И йикъара Кьасумхуьрел, 1-нумрадин ДЮСШ-дин спортдин залда, путар хкажунай Сулейман-Стальский райондин кIвенкIве­чи­вал патал школайра кIелзавай аялрин арада акъажунар кьиле фена. Райондин спортдин, туризмдин ва жегьилрин крарин рекьяй комитетди (начальник Надыр Эфендиев) тешкилай акъажунра 14 школадай атанвай 100-дав агакьна гадайри ва рушари иштиракна.

— Эхиримжи вахтара райондин жаван спортсменрихъ путар хкажунин жуьредай хъсан нетижаяр жезва, — лагьана чаз акъажунрин кьилин судья, спортдин и жуьредай Рос­сиядин спортдин мастер Магелан Саидова. — Чи спортсменри чпин алакьунар Кьиблепатан Да­гъустанда тухузвай зонадин акъажунра къалурзава. Умудлу я, абуру мукьвал тир вахтара чпикай республикадин ва Вирироссиядин дережадин турниррани хабар гуда.

ИкI, 2-сеферда тухвай райондин акъажунра Герейханован хуьруьн 2-нумрадин, Курхуьруьн, КIвар­чагъ­рин (“Дере” команда) юкьван школайрин командайри, талукь тирвал, 1, 2 ва 3-чкаяр кьуна.

КIвенкIвечи чкаяр кьур спортсменриз медалар, райондин спортдин, туризмдин ва жегьилрин крарин­ рекьяй комитетдин гьуьрметдин грамотаяр, къиметлу пишкешар гана.

Хазран  Кьасумов

ОСТАВЬТЕ ОТВЕТ

Войти с помощью: 
Please enter your comment!
Please enter your name here