Са тIимил хъвер

0
13

Ветеринардиз эвера

— Кайвани, я кайвани… зи гьал писзава, — сузадалди лагьана Кьасумбега вичин уьмуьрдин юлдашдиз. — Тадиз са ветеринардиз эвера­.

— Ветеринар вучтинди я? Инсан начагъ хьайила, гьайванрин духтурдиз эвердани мегер? — юлдашдин зарафатдикай хуш атанач адаз.

— Бес за вучи-йин, вуч?.. — азабдик квай ванцелди давамарна Кьасумбега. — Экуьнахъ тlуьр­ди хъчадин афарар я, нисинихъ — хъчадин пичlекар, нянрихъни — къатухни хъикьифар. Кlвалахни балкlанди хьиз ийизва.

Хъсан меслят

— Ана вуч ава кьван килигдай!? Къанни кьве кlамаш са тупунихъ калтугзава, — лагьана къазахрин “Кьуьзек” тlвар алай фильмдик квай Шейтlанбега кьуьзеказ.

Футбол къугъвазвай жегьилар акурла, Ухул хуьряй тир лез­ги бадеди генани хъсан меслят къалурна.

— Я бала, — элкъвена ам футболдиз килигзавай са жегьилдихъ. — Ибур и йикъа вучиз авайди я, туп патал чпи-чеб гьелекариз? Гьардав сад вугайтlа  жезвачни?

Копия

Концерт гатIундалди амайди декьикьаяр я. Залдин дегьлизда­,  са дакlардай са къатда биле­тар гьеле хгузма. Нубат кьери туш.

— Са билет це, — лагьана, да­кlардин агъа хиляй аквазвай касдал са вуч ятlани яргъи авуна Кьасумбега.

— Вуч зарафатар я, регъуь тушни? — хъел кваз суал гана кассадал алай чин хьуртlун хьтинда.

— Заз вучиз регъуь жеда кьван?! А фонограмма кутуна сив ахъайиз­ кlев­завай, халкь алцурарзавай концерт гузвайбуруз хьурай ман регъуь­.

Ахъайнач Кьасумбег залдиз. Вич лугьумир, Кьасумбега кассадал алайдал яргъи авурди пул ваъ, ксероксдай акъуднавай вад виш манатдин копия тир.

Куругъли Къалажухви

Добавить комментарий