«Зи мани — Дагъустан»

0
7

Ихьтин тIвар алаз ЦIийи йисан­ вилик Махачкъалада вичи урус чIалал кхьизвай чи руш, кьисметди аял чIавалай Буйнакск шегьердиз акъуднавай шаир Зуьгьре  Акимовадин  (адан ери-бине Мегьарамдхуьруьн райондин Хакийрин хуьряй я) цIийи ктаб чапдай акъатнава. Ам кьве паю­никай ибарат я: дуьньядин классик Омар Хайямаз бахшнавай рубаи­яр ва Дагъустандин гуьзел, надир пипIе­рикай, машгьур инсанрикай кхьенвай шиирар ва манияр.

Лагьана кIанда, чи гъиле ­авай-ди ­шаирдин вад лагьай ктаб я, ­вич­­ни тамамвилелди шииррикай ­туь­­кIуьрнава. Идалай вилик чи ­кIел­­завайбуруз З.Акимовади ­“Кар­­­вандин рехъ” (“Млечный путь”), “Умуьрдин музыка” (“Музы­­ка ­жизни”), “Ватандиз бахшнавай уьмуьр” (“Жизнь, отданная Ро­дине”), “Гевгьердин гъвел” (“Жем­чужинка”)  ктабар багъишна. Абур шииррикай, гьикаятдин эсеррикай, аялар патал кхьенвай куьруь ва гьакьван михьи гьиссералди девлетлу махарикай ибарат я.

Шаирди вич фадлай урус чIа­лан фасагьат устад тирди су­­­бутна­ва. Адан хейлин эсерар чи­ рес­­публикадилай къецепатара акъат­­­завай газетрани журналра чапнава. ЦIийи ктабни фад гъавурда акьадай регьят чIалал­ди кхьенва.

Чна автордиз алукьнавай 8-Мартдин сувар ва къачунвай цIийи камни мубаракзава.

Мердали Жалилов

 

Добавить комментарий